ازاي تحمي اخواتك و اولادك من المشاهد الخارجة اللي في الافلام (((قبل وبعد)))
~~~¤ô¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ô¤~~~
اقولك ازاي البرنامج مش بيقطع ويرمي زي برامج المنتاج دة بيعمل زي علامة عند وقت معين لما يجلها ينطها وهو دة اللي بيخلي الترجمة سليمة جدا وفي نفس الوقت مبيأثرش علي جودة الفيلم او الترجمة ومش محتاج جهاز خرافي ممكن بجهاز Pentium 3 كمان
غير ان البرنامج خفيف جدا و بيشغل اي فيديو من اول فيديوهات الموبيل لحد البلوراي(عن تجربة) ~~~¤ô¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ô¤~~~
فهرس خفيف كدة للموضوع 1-خطوات تسطيب البرنامج 2-اعدادات البرنامج البسيطة(تغير اللون – التعديل علي الترجمة). 3-كيفية حذف المشاهد و كتم الصوت. 4-روابط البرنامج. 5-ملف PDF 
اولا: خطوات تسطيب البرنامج
تابع بالصور
لما يكتمل الشريط حتظهرلك الرسالة دي
افتح النت علشان حينزل اكواد تشغيل الافلام وحاجات كدة للبرنامج 
حتلاقي فوق الامتدادات اللي يشغلها المهم علم علي كل المربعات اللي هنا ودوس Install
[size=16]حتلاقي كتبلك تحت مساحتهم حوالي 18 ميجا(مش حيخدوا وقت) 
بعد كدة حتجيلك الرسالة الـتأكيدية دي علشان يعرفك اية اللي نزل و اتسطب 
وبعد كدة دوس علي close ويبقي كدة التسطيب خلص
ثانيا: اعدادات البرنامج البسيطة (تغير لون البرنامج - التعديل في الترجمة)
لو عايز تغير لون البرنامج او شكلة 
~~~¤ô¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ô¤~~~
التعديل في الترجمة(خاصية جميلة جدا) افرض مثلا الترجمة صغيرة ومش شايفها او لونها مش عاجبك او مكنها رخم وحابب تعدل فيها شغل الفيلم عادي ودوس كليك يمين وتابع بالصور 
بالنسبة لتغير لون الترجمة الاحسن تسبها زي ماهي ابيض بس انا قولت اعرفكم الخاصية دي علشان شوفت ترجمة قبل كدة لونها اصفر(جابتلي حول) لتغير حجم الترجمة تابع بالصور 
في خاصية كمان عجبتني التحكم في وقت الترجمة (تقديم او تأخير) الخاصية دي ليها برامج لوحدها افرض الترجمة عندك مش ماشية مع الاحداث ومعندكش غيرها مفيش مشكلة تابع بالصور 
[size=16]خلي بالك الرقم اللي حدخلة فوق حيبقي بالملي ثانية مش بالثانية
بالنسبة للرقمين اللي تحت 1000 : 1000
دي نسبة بين الفيديو : الترجمة
مثال لو عايز تأخر الترجمة 50 حتكون 950 : 1000
ولو عايز تقدم الترجمة 50 حتكون 1050 :1000
الخطوة دي صعبة شوية الخطوة اللي فوق في الصورة اسهل من دي بس قولت اشرحالكوا بالمرة ~~~¤ô¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ô¤~~~ كام ملحوظة مهمة جدا 1-بالنسبة لجميع خصائص التعديل علي الترجمة (لون-حجم-مكان-وقت) لو غيرت فيها حاجة حتتغيرعلي كل الافلام (يعني لو خليت مثلا حجم الترجمة 28 كل الافلام عندك حجم ترجمتها حتبقا 28) 2-لو غيرت في وقت ترجمة (تقديم او تأخير) علي فيلم عندك متنساش ترجع الارقام لوضعها الاساسي (زي اللي في الصورة فوق) (علشان لو شغلت فيلم سليم عندك يشتغل صح) 3-محدش يخاف من التعديل علي الوقت لحسن يبوظ الترجمة البرنامج هو اللي بيقدم او بيأخر عرض الترجمة (يعني ملف الترجمة مبيعملش فية حاجة خالص)
~~~¤ô¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ô¤~~~
كل اللي فوق دة تفاريح نجي للجد
ثالثا: كيفية حذف المشاهد و كتم الصوت.
افرض عندك فيك جميل جدا و عايز تفرج اخواتك علية و فية مشهد مش تمام
تابع الصور وانت تشيلة في 5 ثواني
اولا دة شكل توضيحي للصفحة اللي حنشتغل عليها(حشرح معظم خصائصها) 
~~~¤ô¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ô¤~~~ خاصية حذف المشاهد حنشغل الفيلم عادي ونقف علي بداية المشهد اللي حيتحذف حنوقف الفيلم وندوس كليك يمين وتابع بالصور 
و بكدة شلنا المشهد التعبان و بقي الفيلم فلة
افرض مثلا الفيلم في كام مشهد كمان عايز يتشال سهلة جدا نفس اللي عملناه فوق حنعملها علي باقي المشاهد اللي في الفيلم (طبعا لما تجي تعمل مشهد جديد حتنفذ الخطوة 5 علي المشهد الجديد ودي صورة للفولدر بتاع الفيلم بعد ماخلصنا
~~~¤ô¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ô¤~~~
خاصية كتم الصوت
الخاصية دي لسة واخد بالي منها لما جيت عملت الشرح
للاسف الافلام العربي دلوقتي بقت الشتيمة فيها عادي ولا اكنها مدح
الكلام دة حيفيد اللي عندوا طفل وتنفع الخاصية دي كمان في الافلام الاجنبي(لو حد ولادة في مدارس لغات)
الخاصية دي بتكتم الصوت بس عند اي دقيقة انت بتحددها وتقدر كمان تحدد مدة كتم الصوت
هنا الصوت حيتكتم في الدقيقة 50 و لمدة ثانيتين ز يرجع تاني الصوت للفيلم ~~~¤ô¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ô¤~~~ انهاء الفيلم عند مدة معينة انا شايف ان الخاصية دي مش مهمة اوي بس قولت اشرحها يمكن تفيد حد الخاصية دي بتسمحلك تنهي فيلم في اي دقيقة 
~~~¤ô¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤ô¤~~~ كدة خلصنا اهم خواص البرنامج خاصية jump to position زي خاصية cut section اللي شرحتها فوق انا مش شايف فيها فرق لو حد يعرف الفرق يقولي وخاصية hide subtitles بتسمحلك تخفي الترجمة عند مدة معينة
txt (اسهل من الخاصية دي) كام ملحوظة مهمة جدا (الملخص المفيد) + تعديل
1-القطع اللي عملناه للفيلم مش حيشتغل غير بالبرنامج دة بمعني ان لو شغلت الفيلم بأي برنامج تاني الفيلم حيشتغل كامل بدون قطع
(يعني شغل الافلام بالبرنامج دة بس والاحسن تسطب البرنامج دة و تمسح برامج الفديوهات التانية)
2- اللي مش عايز يمسح البرامج التانية ليها حل (بس الاحسن تمسحها طبعا علشان تريح نفسك)
تقف علي الفيلم و تدوس كليك يمين--->Properties ---> دوس علي Change ---> اختار Zoom player.
(اتأكد ان كل فيلم عامل برنامج zoom البرنامج الرئيسي اللي حيفتح بيه)
3- البرنامج مش بيقطع المشهد ويرمية دة بينط الوقت بس.
(محدش يخاف لحسن الفيلم يبوظ منه بمجرد انك تمسح ملف القطع اللي في الصورة فوق الفيلم حيرجع بكامل مشاهدة)
4-مفيش اي تأثير علي جودة الفيلم او الترجمة نهائيا.
التعديل
انا قولت في الموضوع القديم لو نزلت اي نسخة من برنامج zoom حتشغل خاصية القطع خلي بالك برنامج
Zoom player home professional
مش بيشغل خاصية حذف المشاهد (عن تجربة) ودة الدليل
4-التصحيح: برنامج (Zoom Player MAX او Zoom Player MC او Zoom Player Premium) بس هو اللي بيشغل خاصية حذف المشاهد
6- لو حدثت البرنامج او شلتة و نزلت الاصدار الجديد منه متخفش مش حتقطع كل الافلام من جديد
(البرنامج بيضيف ملف القطع علي النسخة الجديدة) اخيرا تخيل انك نزلت فيلم و شيلت الارف اللي فية وفرجت اخواتك او ولادك علي الفيلم حتاخد ثواب اد اية
وياسلام لو اديتة لاصحابك اوارايبك وهكذا حتاخد ثواب اد اية
(ياريت محدش يكسل الموضوع كلة مياخدش اكتر من 5 ثواني في سبيل حماية اولادك و اخواتك)
رابعا: روابط البرنامج
روابط تحميل البرنامج(البرنامج مش محتاج سيريال او كراك و مجربة بنفسي وعامل علية scan)
الروابط
rapidshare
megaupload
mediafire
slingfile
uploaded
خامسا: ملف PDF للموضوع
انا قولت اعمل الموضوع PDF علشان الصور بعد مدة بتتشال ومنها مرجع لللي ممكن ينسي و سهلة التوزيع
الروابط
rapidshare
megaupload
mediafire
uploaded
2shared
hotfile
انا معملتش توقيع علي الصور او ملف PDF علشان اللي يقدر ينزل الموضوع في اي منتدي تاني
يبقي جزاه الله كل خير
انا مسامح في نقل الموضوع او اقتباس جزء منه
يارب اكون وضحت كويس واي حد عندة استفسار يقولي انا حتابع الموضوع
ان شاء الله
ولو في حد عندة فكرة احسن يقول
ارجو الدعاء لي ولاسرتي والمسلمين جميعا بالخير
موضوع: شرح مفصل لبرنامج 7 Zoom Player لحذف المشاهد الخارجة من الافلام 
الإثنين 1 مارس - 20:51
